羊國搵工貼士

以而家技術移民 (SMC) 嚟羊國嚟講，大部份人一開始都係拎住個 Job Search Visa (JSV) 入境，搵到工先能夠成為 resident。搵工，就成為咗嚟到繼搵屋後另一個大課題。

羊國生活開支小概覽

上回講咗喺羊國打工既收入水平，有入就必有出，而家就講下喺羊國既生活支出。不過呢度所講既都只係我個人喺度生活咗唔係好耐時間而知道既嘢，只能當作參考用途。

喺羊國打工可以搵幾多?

要決定移居羊國，首先有一個好實際既問題要考慮，就係錢。講錢就要兩邊嚟諗，一邊係搵錢，另一邊就係洗錢。簡單而言，同香港比較，喺羊國係屬於搵錢少但洗費高。

作為羊國租客要注意的事

上回抵步後的住宿安排一文中有提過啱啱嚟時一啲搵屋住要注意既地方，今回就講講我哋要租一間屋時個程序係點。

羊國買車攻略

雖然羊國主要交通工具係私家車，但唔好期望喺羊國揸車會平到好似美加地區咁。喺羊國養一架車，都有一定既開支，以下就先由買車一刻講起。

上回講過唔同既買車途徑，無論經邊度買都好，車價一定係其中一個重要考慮因素。全世界都一樣二手車都係取決於車款，年份，新淨程度，已行駛里數等。車款嚟講最平既係泡菜國同袋鼠國既車，日本車嚟講喺香港一街都係既「雙田」喺呢度反而唔算好大路。要平既，好多人都會揀 Kia, Suzuki 或者 Holden，呢三隻牌子都好常見。歐洲車就比較貴，但差距就唔會話好大。

羊國買車經驗分享

車可以算係羊國既半必需品。初嚟羊國時，我本身唔急於買車，因為暫住既地方附近都有巴士站，出巿區都唔係問題。開頭搞銀行，換車牌等雜事都係搭巴士出去搞掂。但去到要搵長租既屋既時候，發覺冇車都幾大鑊。之前講過租屋時好多業主都會喺特定時間 open home，open home 大概有半小時。搭巴士，好難預啱班次時間，加上大部份地方都唔係話門口就係巴士站，好多時落車都要再行十五分鐘咁上下，甚致係更遠。本身自己搵屋既難度比人高，如果再加多重困難對自己實在太不利，所以我就將買車呢件事變成優先處理。

香港車牌換成羊國車牌

喺羊國，對車既需求唔會好似美國咁冇車就邊度都唔駛去，以我身處既奧克蘭為例，呢度都有頗多既巴士線去唔同既地區。之但係羊國既公共交通係出名地貴，加上唔夠人渣巴士，部份路線會間唔中甩咁班車，所以大部份人都係會選擇返渣車，結果又造成嚴重既塞車問題。但點都好，渣車始於係呢度最方便既出行模式。

抵步後的住宿安排

初到另一個地方生活，第一件事莫過於要安排住宿。除非你有唔知咩原因一早已經喺羊國有物業，否則你都要搵個地方租嚟住。喺羊國，有好多事都係要親身嚟到先可以開始搞，租屋就係其中一樣，個人唔喺度你係極難可以事前喺香港遙距搞掂。所以喺你搵到一個可以租嚟住一段較長時間既地方之前，你先要搵一個可以短暫住宿既地方。

羊國的銀行戶口

一開頭去到羊國冇收入要靠食老本，所以出發前都要預備定最少半年既當地生活洗費。租屋交通開餐樣樣都係錢，所以無可避免點都要喺羊國呢邊開個銀行戶口。況且將來搵到工，你都要有個銀行戶口先出到糧。

開展新生活前的預備工作

收到 JSV 邀請後，填返份簡單既表格就正式進入 JSV 既申請程序。由交回表格至正式批出，過程大概係兩星期至一個月左右。即係話好快你就要離鄉別井，去一個全新既地方開始新生活。嚟到呢個階段，之前感覺好似無盡既等待會突然變得所有嘢都好似嚟得太快。的確，要喺異地開展新生活唔係一件容易既事，離開前亦有好多嘢要預備。今回我就例出離開至抵達前既預備工作。

申移羊國居民簽証最終考驗

上一系列文章講述如果填表申請透過 SMC 得到羊國居民簽証。經歷漫長大概一年既時間，你既 Visa 成功批出，但大部份人獲批既，並唔係居民簽証，而係工作簽証。打完大佬，唔代表即刻爆機，因為仲有個真正既 final boss。

港人出走羊國攻略（七）

之前用咗幾篇文章去講關於 ITA 既事，因為 ITA 係成個 SMC 申請過程中最多嘢做既一步。回覆咗 ITA 後如果順利既話基本上可以話只係等佢審批。審批時期快既可以半年，慢既長至一年都有。ITA 既下一步，就係 Case Officer Assigned (CA)，即係 INZ 已經搵咗一個 Case Officer (CO) 去跟進你既申請，往後所有關於你呢個申請既事都係直接同呢位 Case Officer 聯絡。

港人出走羊國攻略（六）

有關 ITA 呢一步都已經講到七七八八，今回我哋再講埋最後兩個想講既部份 — 健康證明同有關 Partnership 既證明。

健康證明亦係一項非常簡單既嘢，同樣都係花大概半日時間現身俾錢就OK。不過要留意做健康檢查唔係話你去邊做都得，喺你既 ITA 資料入面佢已經有提供羊國政府喺香港認可做身體檢查既醫務所。去醫務所 book 期時佢會問你做邊隻身體檢查，佢係有幾種唔同既身體檢查，用幾個唔同既 code 代表，要做邊款就要睇返 INZ 既資料喇。

港人出走羊國攻略（五）

之前已經講過喺 ITA 入面比較難搞既職業評估同學歷評估，今回就講返啲比較易處理既部份，不過記住，易處理唔代表唔重要，喺成個申請過程之中，任何一部份都係好重要，缺一不可。

首先第一樣收到 ITA 後可以即刻去做既就係無犯罪紀錄證明書 (CNCC)，即係大家俗稱既良民証，INZ 稱之為 Police Certificate。點解收到 ITA 要即做？因為容易做，但同時又容易出事。首先要知道一件事，申請無犯罪紀錄通知書係要事先預約，去警察總部度搞既，過程只係十五分鐘咁上下，主要都係填簡單資料再俾錢就搞掂。之後，係冇之後架喇，因為份證明書係唔會經你手，你係冇任何機會見到份嘢，警署係會直接將你份嘢寄去紐西蘭領事館。

港人出走羊國攻略（四）

ITA 除咗最重要既職業評估，仲有好多淋淋沈沈唔同既嘢要處理，例如你既學歷評估，身體檢查，無犯罪紀錄證明書，partnership 申報等等。

學歷評估係另一項直接影響你 EOI 所 claim 既分數成唔成立既項目。不過相對喺職業評估，做法就簡單得多，甚致可以話係填表交錢就搞掂既事。正如之前文章有提及，學歷評估係由一個叫 NZQA 既部門負責，而當中又包括 PAR 同 IQA 兩種 assessment。但嚟到 ITA 呢一步，要做就一定要做 IQA。

港人出走羊國攻略（三）

上回港人出走羊國攻略（二）就講咗有關 EOI 既嘢，今回就繼續講埋之後既流程。

基本上如果有自己做功課，填完同 submit 埋 EOI 後，相信對成個 SMC 申請流程已經有一定既理解。咁實際上 submit 完 EOI 之後會點呢？如無意外，當你提交咗 EOI ，而你喺 EOI 裡面又聲稱自己有 160 分以上的話，你份申請就會自動入咗紐西蘭政府 Immigration New Zealand (INZ) 個 pool 入面。而每個月，INZ 都會喺呢個 pool 入面抽獎。抽中就代表你距離成功又近一步，抽唔中都唔好灰心，因為你份申請仍然會留喺個 pool 度等下次再抽。基本上以我聽返嚟既 case ，全部都係兩至三個月內抽中。關於抽獎呢回事，INZ 網站內都有每個月既申請數目，中獎數目同抽獎日期等既數據公開，大家可以自行參考一下。

關於英語水平考核

羊國同袋鼠國一樣，都係要考英文，不過羊國就相對容易。以考 IELTS 為例，IELTS 係分開四科卷既，分別係 Reading，Listening，Writing 同 Speaking。好重要既一點，羊國既英語要求，只係要你考 IELTS General， overall 既分數有 6.5 分或以上，佢哋係唔會理你細分既成績架架架架架… 對於接受過港式填鴨教育同公開試洗禮既香港人，Reading 同 Listening 係搶分既重要陣地，水平應該比以前既中學會考略低一點，正常大學畢業生嚟講，應該可以輕鬆拎 7分以上，拎9分都唔算難。至於 Writing 同 Speaking，由於係人肉評分，好多人都會卡關卡喺6分度。不過如果你既 Reading 同 Listening 生性，overall 拉上去 6.5分係冇難度。