最多人用既銀行應該都係 ANZ 同 ASB，其餘既仲有 Kiwibank，BNZ 等等。而家香港人最熟悉既 HSBC 呢度都有，不過就只得喺 CBD 一間總行，有乜嘢要親身去銀行處理就會比較唔方便。不過我自己都有喺度開咗個 HSBC 戶口，主要都係因為我同時有香港 HSBC 既 Premier account 所以轉錢過嚟唔駛手續費。本地銀行方面我自己就揀咗 ANZ，因為佢地都有提供新移民開戶服務。大致上係你到達羊國前可以喺網上先申請銀行戶口，佢會有人同你聯絡幫你搞，之後你就會有一個未 activate 既銀行戶口，你可以入錢落去，但唔可以拎錢出嚟，直到你到步之後親自去事先預約好既分行 activate 你個 account。開呢個戶口既好處係你人未到都可以預先將小部份生活費存入當地銀行，唔駛拎住大舊 cash 搭飛機。當然，未 activate 既戶口係有入冇出，雖然佢話如果有乜問題最後個戶口開唔成佢會將錢 transfer 返轉頭，但都無謂冒險喺 activate account 前 all in 你副身家入去。
呢度銀行戶口既 concept 同香港係有啲唔同。喺香港我地可能每間銀行只開一個戶口，啲錢放晒喺同一個 account 入面，儲錢同洗錢都會係同一個 account。喺呢邊 account 係有分開 saving 同 check account。通常要洗既錢就會放喺 check account，儲既錢先會放 saving。日常消費通常都係用一張銀行發出既 Visa 或者 Master Debit 咭，直接 link 去你銀行既 check account。Check account 一般嚟講都係冇利息，所以我既 check account 長時間都係處於最多幾百蚊既狀態。當然，你都可以唔用 check account 全部嘢喺晒 saving account 做，但自從分開咗兩個 account 咁處理，我發現會容易啲管理自己既洗費，留意住自己有冇洗大咗。
Saving account 名義上係儲畜用途，因為佢係有利息既，但如果真係為儲畜的話，錢係唔會放喺普通既 saving account，而會放喺一Ｄ term deposit 既 account 度，即係做定期，因為利率差別都幾大。現時嚟講一般 saving account 年利率只有 0.10%，而半年定期年利率已經有 3.20%，一般 NZD 10000 已經可以開戶做定期。
Saving account 同 term deposit 兩者係一個勝在靈活，另一個勝在高息。有人可能有大舊現金但係又唔想俾佢綁死咁點算呢？呢度啲銀行亦有另一種 account ，都係屬於 saving 既一類，但佢既玩法係如果你Ｄ錢有入冇出就會有高息，如果你喺果個月內喺呢個 saving account 拎過錢出嚟就會冇息或者變成同一般 saving 既利息一樣。間間銀行既呢款產品都有唔同叫法，實際遊戲規則又可能有少少唔同，有啲可以要求除咗有入冇出仲要每個月放多廿蚊落去之類。呢種 account 可以喺賺利息同靈活之間取得平衡。
呢度銀行戶口既 concept 同香港係有啲唔同。喺香港我地可能每間銀行只開一個戶口，啲錢放晒喺同一個 account 入面，儲錢同洗錢都會係同一個 account。喺呢邊 account 係有分開 saving 同 check account。通常要洗既錢就會放喺 check account，儲既錢先會放 saving。日常消費通常都係用一張銀行發出既 Visa 或者 Master Debit 咭，直接 link 去你銀行既 check account。Check account 一般嚟講都係冇利息，所以我既 check account 長時間都係處於最多幾百蚊既狀態。當然，你都可以唔用 check account 全部嘢喺晒 saving account 做，但自從分開咗兩個 account 咁處理，我發現會容易啲管理自己既洗費，留意住自己有冇洗大咗。
Saving account 名義上係儲畜用途，因為佢係有利息既，但如果真係為儲畜的話，錢係唔會放喺普通既 saving account，而會放喺一Ｄ term deposit 既 account 度，即係做定期，因為利率差別都幾大。現時嚟講一般 saving account 年利率只有 0.10%，而半年定期年利率已經有 3.20%，一般 NZD 10000 已經可以開戶做定期。
Saving account 同 term deposit 兩者係一個勝在靈活，另一個勝在高息。有人可能有大舊現金但係又唔想俾佢綁死咁點算呢？呢度啲銀行亦有另一種 account ，都係屬於 saving 既一類，但佢既玩法係如果你Ｄ錢有入冇出就會有高息，如果你喺果個月內喺呢個 saving account 拎過錢出嚟就會冇息或者變成同一般 saving 既利息一樣。間間銀行既呢款產品都有唔同叫法，實際遊戲規則又可能有少少唔同，有啲可以要求除咗有入冇出仲要每個月放多廿蚊落去之類。呢種 account 可以喺賺利息同靈活之間取得平衡。
消費方面，頭先提到既 debit card 係非常重要，係生活上任何消費都係靠佢。當然，呢度唔會好似某強國咁現金不能流通，但用咭的確係方便得多。開戶口時佢問你駛唔駛 EFTPOS card 就係指呢張 debit card 喇。同香港好唔同既係，呢度銀行咭係要收年費既，大概 NZD10，不過一般頭一年都會 free 既。相比喺香港，credit card 呢度就冇咁 common，唔會好似香港咁咁濫發，又送贈品送 coupon 求你要咁。呢度開 credit card 除咗冇贈品仲要係一定收年費，所以我暫時都未有開住，遲吓研究吓個玩法先決定開唔開啦。
