羊國同袋鼠國一樣，都係要考英文，不過羊國就相對容易。以考 IELTS 為例，IELTS 係分開四科卷既，分別係 Reading，Listening，Writing 同 Speaking。好重要既一點，羊國既英語要求，只係要你考 IELTS General， overall 既分數有 6.5 分或以上，佢哋係唔會理你細分既成績架架架架架… 對於接受過港式填鴨教育同公開試洗禮既香港人，Reading 同 Listening 係搶分既重要陣地，水平應該比以前既中學會考略低一點，正常大學畢業生嚟講，應該可以輕鬆拎 7分以上，拎9分都唔算難。至於 Writing 同 Speaking，由於係人肉評分，好多人都會卡關卡喺6分度。不過如果你既 Reading 同 Listening 生性，overall 拉上去 6.5分係冇難度。
至於其他考試，例如 PTE，我就唔建議，因為考試模式同香港人考開既形式好唔同。PTE 雖然都有有分 Reading，Listening，Writing 同 Speaking 四大項，但佢唔係分開四份卷俾你考，而係綜合晒咁多 skill 喺同一份卷度。雖然有人會同你講 PTE 既 Speaking 同 Writing 會相對容易拎高啲分，但要重新適應另一個考試模式都唔係容易，不如主力谷 IELTS 既 Reading 同 Listening 嚟拉總分好過。
以我自己為例，本身英文唔係特別好，第一次去考 IELTS，試前準備只係做過 Google 都搵到既幾份 sample paper 就去考，Reading 就已經輕鬆拎 9分，Listening 8分，Speaking 同 Writing 就只得 6分，不過 overall 嚟講已經夠晒做。PTE 我相信係俾 target 袋鼠國，需要喺 Speaking 同 Writing 細分拎較高分數既人去考既。喺度就不作詳述了。
而喺港人出走羊國攻略（二）一文中曾提及，傳統 IELTS 考試由報考至收到成績係需要大概一個月時間，所以決定填 EOI 時，就盡快報考咗個 IELTS 先，呢件係第一件要做既事。之後，大家就好好利用呢一個月等待時間處理其他申請材料喇。
